Indrayani Raver Viral Video: मावळ तालुक्यात एक धक्कादायक घटना घडली आहे. तळेगाव दाभाडे शहराजवळील प्रसिद्ध पर्यटनस्थळ कुंडमळा येथे इंद्रायणी नदीवर असलेला जूना पूल कोसळून दुर्घटना घडली आहे. रविवार असल्याने पर्यटकांची गर्दी होती, अशात पूल कोसळून 20 ते 25 पर्यटक इंद्रायणीत वाहून गेले आहेत. तसेच दोन जणांचा मृत्यू झाला असल्याची प्राथमिक माहिती आहे.
घटनेची माहिती मिळाल्यानंतर स्थानिक पोलीस, ग्रामस्थ आणि आपदा मित्र यांनी घटनास्थळी धाव घेतली असून बचावकार्य सुरू करण्यात आले आहे. दोन दिवसांपासून मावळ परिसरात मुसळधार पाऊस कोसळत असून इंद्रायणीच्या पाणीपातळीत वाढ झाली आहे. यामुळे नदीत पडलेल्या पर्यटकांना वाचविण्याचे शर्तीचे प्रयत्न यंत्रणांकडून सुरू आहे.
ही घटना आज दुपारी 3.30 वाजण्याच्या सुमारास घडल्याचं सांगण्यात येत आहे. घटनास्थळी तळेगाव दाभाडे पोलिस दाखल झाले आहेत. कुंडमळा ओलांडण्यासाठी या पुलाचा वापर करण्यात येत असून यावरून दुकाची गेल्याने हा हाच पूल कोसळल्याचं सांगण्यात येत आहे.